INTRO:
O le tagata ma lona taitai o le tagata foi ma lona faasinomaga, o le upu e masani ai Samoa o le tama a le manu e fafaga i fuga o laau, ao le tama a le tagata e fafaga i upu. Oute muamua ona faatulou i le au faamasino ae maise le mamalu o le au faafofoga. Tulou,Tulou,Tulou lava.
Tatou sii le viiga ma le faafetai i le tama i le lagi ona o lana pule faasoasoa ua outou maua ai le soifua laulelei ma lou nei ola, ae o lea usi mai le faafofoga sei faaali soi manatu e uiga o le autu o lenei aso 'O LE VA FEALOAI'.
O le va fealoa'i o tu-ma-aga e te faia e faaali ai lou faaaloalo i le va ma isi tagata. Faata'ita'iga: Ae manao i se peni mai le faiaoga e tatau ona e faia le upu 'faamolemole' e iloa ai e te iloa faaaloalo i le faiaoga.
1#
Muamua, o le va fealoa'i o matua ma fanau,
I totonu ose aiga Samoa o loo iai le tama,tina ma fanau. I le tuputupu ae o se olaga se tamaititi e ao ona aoa'i ma faatonu e matua. E taua tele o lou faalogo ma usitai i upu e tautala mai ai matua i fanau.O matua latou te a'oa'o fanau i upu faapei o le 'tulou' pe la'a i luma o se tagata, 'faafetai' pea avatu se mea ma le 'faamolemole' pea manao i se mea. O upu a le Tusi Paia 'Ia e ava i lou tama ma lou tina ina ia faalevaleva ai ou aso i le nuu o le a foaiina e Ieova lou Atua ia te oe.
2#
Lonalua, o le va fealoai o tamaiti ma tagata matutua,
O tagata matutua, o i lo latou e ua matua lo latou soifua. E tatau ona feasoasoani ma usiusitai tamaiti i soo se tagata matua. E tatau foi ona tautala faaaloalo ma ava le tamaiti Samoa i tagata matutua,Aua o matua e auala mai ai faamanuiaga i soo se
tama poo se teine. O le tele o tagata matutua o loo nonofo i Niu Sila, e le malamalama tele i le faaperetania. E tatau ona taumafai e tautala faasamoa ia tei latou.
3#
Mulimuli O le va fealoa'i o tagata mai le lotu poo faifeau,
I soo se aiga Samoa lava, e tatau ona e alu i se lotu e te faalogo i le upu a le Atua. O le manuia lena o lou aiga. Auauna i soo se mea tautupe, mea'ai ae maise o lou taimi ma LeAtua. Faamuamua LeAtua i totonu o lou aiga.E taua le usitai i lau faifeau ma faalogo ia ie ia.
MULIMULI:
Ua iu le tautalaga. Tau ina ia alofa le Atua, faamanuia mai tatou mafutaga. Afai ua sipa se lamaga ia lafo i nu'u le aina. Ia soifua mai le manuia.Faafetai, Faafetai, Faafetai lava.
Soifua mai Manurewa.
No comments:
Post a Comment